حوّل نقرات جوجل إلى عملاء بتكلفة اكتساب محسوبة

ما نبدأ باختيار المنصة قبل ما نفهم البزنس

ما نقول لك من البداية: "لازم Google" أو "لازم TikTok".

أول شيء نفهم: وش تبيع؟ مين عميلك؟ وين موجود؟ كيف يتخذ قرار الشراء؟ وش هدفك من الإعلان؟ بيع مباشر؟ Leads؟ حجوزات؟ زيارات فرع؟ أو بناء طلب على منتج جديد؟

بعدها نحدد المنصة المناسبة. المنصة وسيلة، مو استراتيجية.

نحدد وش الهدف من كل حملة قبل ما نصرف

مو كل إعلان هدفه يبيع مباشرة.

ممكن حملة تجيب عميل جديد. وحملة ثانية ترجع شخص زار الموقع. وحملة ثالثة تستهدف ناس أضافوا للسلة وما اشتروا. وحملة تدعم عرض أو موسم معين.

لذلك كل حملة يكون لها: هدف واضح، جمهور واضح، رسالة واضحة، ومؤشر أداء نقيس عليه.

نهتم بجودة العميل، مو بعدد الـ Leads فقط

100 Lead ما تعني شيء إذا 90 منهم غير مناسبين.

عشان كذا ما يكون السؤال فقط: كم Lead جبنا؟

لكن أيضًا: كم واحد تم التواصل معه؟ كم واحد كان فعلاً مهتم؟ كم واحد تحول إلى فرصة بيع؟ وكم تكلفة العميل الجيد؟

هذا يساعدنا نحسن الحملات بناءً على اللي يفيد البزنس فعلًا.

نختبر أكثر من إعلان بدل ما نعتمد على فكرة وحدة

أحيانًا المشكلة مو في الاستهداف. المشكلة تكون في: الصورة، الفيديو، العرض، الـ Hook، النص، أو الـ CTA.

عشان كذا نختبر أكثر من نسخة إعلانية ونقارن النتائج.

الإعلان الأفضل يأخذ ميزانية أكبر، والضعيف يتم تطويره أو إيقافه.

ما نخلي إعلان واحد شغال طول الشهر بدون تغيير

الحملة تحتاج متابعة مستمرة.

نراجع: تكلفة النتائج، أداء الجماهير، أداء الإعلانات، أماكن الظهور، الميزانيات، التكرار، ونسب التحويل.

إذا شيء بدأ يضعف، نتدخل. وإذا شيء أثبت نجاحه، نبدأ نوسع عليه بشكل محسوب.

حساباتك وبياناتك تظل باسمك

الحسابات الإعلانية والبيانات والأصول تكون ملك لشركتك.

نشتغل من خلال صلاحيات إدارة واضحة.

ما نحبس العميل داخل حساب Agency ولا نخليه يبدأ من الصفر إذا انتهى التعاون.

التقرير مو مجرد أرقام

ما نرسل تقرير مليان:

Impressions, Clicks, CTR, Reach

وبس.

التقرير لازم يجاوب على: كم صرفنا؟ وش النتائج؟ وش أفضل منصة؟ وش أفضل حملة؟ وش اللي ما اشتغل؟ وين الهدر؟ وش القرار للشهر الجاي؟

الهدف إن الإدارة تفهم الإعلان حتى لو ما كانت متخصصة في التسويق.